تزوج المانية وطلقها وقدم لم شمل لفتاة ولكنها هربت من المطار مع شاب آخر .. سوري يسرد قصته ويطلب الاستشارة
تزوج المانية وطلقها وقدم لم شمل لفتاة ولكنها هربت من المطار مع شاب آخر .. سوري يسرد قصته ويطلب الاستشارة
سرد مواطن فلسطيني يحمل الجنسية السورية والالمانية ومقيم هناك بعد ان تقدم بطلب لجوء قصته على أحد الصفحات المختصة بشؤون السوريين في المانيا :
وهذا نص الرسالة الذي ارسلها الشاب إلى صفحة ألمانيا نيوز :
انا فلسطيني سوري مقيم في المانيا من حوالي 10 سنين وحاصل على الجنسية الألمانية اتزوجت ألمانية واجاني منها ولد وبنت وطلقنا وضلو الأولاد معي بعد الأتفاق بيني وبينها .
المهم قررت اتزوج مرة تانية والأغلب نصحوني اعمل لم شمل وفعلا عن طريق الفيس بوك تعرفت على بنت أردنية وعملت ألها لم شمل وكان لم الشمل وموعد وصولها المانيا مطار برلين بتاريخ 19.10.2021 .
ورحت لهنيك مع رفقاتي واخدين كميرا لنصور وهنيك المفاجئة انها تأخرت على الطلعه سألنا هنيك خبروني انو طيارة موعدها قبل الموعد اللي ذكرتو بساعتين .
تواصلت مع اهلها قالو ماعندهم خبر لتخبرني بعد اسبوع انها تحب شخص سوري من حلب وانها متفقه معو على زواج .
واخبرته انها موكلة محامي طلاق ومحامي لجوء انو اذا رجعت الأردن أهلها يقتلوها لانو الشب مفهمها انها لم شمل وانها مابيطلعلها لجوء وانو فيني ارحلها .
ومستشيرين محامي مختص ببرلين وهي هلق عندو وانا راح أجن طبعا أهلها حطيتهن بصورة وقالو انو مو طالع بأيدنا ومنا طايلينها
وختم الشاب : اتمنى الي عندو طريقة انو ارجعها على الأردن وعن تجربه يحكي ويشرحلي كيف ومابدي حدى يتمسخر ترى الي فيني مكفيني !!!!!!!
وهذه ليست أول مرة تحدث مثل هذه القصص مع شباب قاموا بلم شمل فتيات من بلادهم ويهربن مع شباب آخرين .
