close
أخبار تركياالسوريون في تركياالقصص

قصة صارت مع عائلة سورية في عنتاب

نبدأ بتفاصيل الخبر 👈 : قصة صارت مع عائلة سورية في عنتاب
هي قصتي الي صارت معي هالأيام
في ولاية غازي عنتاب ازمة بيوت فظيعة وغلاء الإجارات ايضاً من فترة شهر اجا صاحب البيت مع مختار الحي بحكم القرابة بينهم وقال لازم تطلع من البيت معك ٢٠ يوم حاولت اسألهم عن الأسباب ما كان في اسباب وبس

يقول انتهى الحكي بدنا البيت بطريقة بشعة جدا قلتله خود زيادة قال لا حاولت استعطفه بحكم في حالتين انسانية بالبيت مريضين وانه نحن على بواب شتاء ومافي بيوت إجار

ولكن مع الأسف لا حياة لمن تنادي بعد بكم يوم عرفت بطريقة ما انه أحد الجيران السوريين رايح لعند صاحب البيت وبحكم معرفته القوية فيه متفق معه يطالعني من البيت مقابل يظبط البيت ويعطيه اجار اكتر طبعا كانت صدمة كبيرة بالنسبة الي ولأهلي ..

بدأت ادور على بيت من دون ما اتصادم مع صاحب البيت ولا مع السوري يلي بحب يطعن ابن بلده

بعد عناء اسبوع كامل وبحث بكل قرنة بعنتاب وجدت بيت وعلى طلبي واتفقت من صاحب البيت انه اجي اشوف البيت والصدمة انه بعد ما رحت اشوفه طلع في بنفس البيت عائلة سورية ساكنين فيه ورح يطالعوهم من شان الزيادة الغير معقولة ..
انا وابي على نفس الكلمة رفضنا نستأجر البيت وقلنا للدلال ما رح نسوي بالناس متل ما صار فينا ..
لأنه هاد الشي عيب وحرام ومو من شيم الرجال وحتى لو ادى الأمر يكبونا بالشارع ما نسوي هالفعل لأني الجزاء من جنس العمل

أنا عندي امل ويقين بالله انه رح يعوضني في بيت احسن من يلي موجود فيه وارتاح ..

ولكن عندي نصيحة لأخوتنا السوريين نحن صار فينا يلي صار من دمار بلدنا وتهجير وقتل مو هيك لحتى نعتبر ونرجع لله ولكن مع الأسف نحن عم نطعن في بعض بالغربة وعم نعطي نظرة للأتراك الكراهية بيننا وما منحب بعض ومنحفر لبعض الا من رحم الله..
ختامن بحب اقول الأية ((إن الله لا يغير ما بقوم حتى يغيروا ما بأنفسهم)) ..
سامحونا اطلنا عليكم

مقالات ذات صلة

زر الذهاب إلى الأعلى